Përshëndetje nga Presidenti i UMSH-së

Kam kënaqësinë t'ju prezantoj përmes Faqes tonë Zyrtare në Internet, Urdhrin e Mjekëve të Shqipërisë. Institucioni ynë, fillimisht i krijuar që në vitin 1994, por i fuqizuar dhe riorganizuar me Ligjin 8615, datë 01.06.2000 "Për Urdhrin e Mjekëve në Republikën e Shqipërisë", ka funksion themelor rregullimin, monitorimin dhe sigurimin e standardeve të larta të praktikës mjekësore në Shqipëri gjithnjë në funksion të mbrojtjes së pacientëve dhe publikut nga kequshtrimi i kësaj praktike.
Për më tepë kliko këtu

Nga Kodi i Etikës dhe Deontologjisë Mjekësore

Neni 4 - Detyra themelore eshtë mbrojtja e jetës dhe e shëndetit fizik e psiqik të njeriut dhe lehtësimi i vuajtjeve. Në misionin e tij human për mbrojtjen e shëndetit, zbulimin dhe mjekimin e sëmundjeve, mjeku bazohet në shkencë dhe në ndërgjegjen e tij.
Neni 5 - Mjeku duhet të ofrojë ndihmë mjekësore të njëjtë për të gjithë, pa dallim moshe, seksi, race, kombësie, feje, pikëpamje politike, gjendje ekonomike, pozite shoqërore etj, duke respektuar në të njëjtën kohë të drejtat e njeriut dhe dinjitetin e çdo individi..
Për më tepë kliko këtu

Memorandum mirekuptimi midis MSH dhe UMSH

MSH dhe UMSH me qëllim të zhvillimit dhe implementimit të politikave dhe reformave të reja në sistemin e profesioneve mjekësore, për të kontribuar në përmirësimin e mëtejshëm të standardeve të ushtrimit profesional dhe të cilësisë së kujdesit shëndetësor, pranojnë domosdoshmërinë për një mirëkuptim e bashkëpunim në partneritet dhe bien dakord që të realizojmë këtë program bashkëpunimi
Për më tepë kliko këtu

Aktiviteti i UMSH-së

UMSH kryen rregullisht aktivitete në kuadër të plotësimit të misionit të saj.
Gjithashtu UMSH-ja përgatit në mënyrë periodike botime për të pasqyruar rezultatet e punës së saj si edhe për të bërë sa më transparente aktivitetin e saj.
Për të realizuar qëllimin e saj UMSH-ja bashkëpunon me partnerët e saj që janë institucionet shqiptare që veprojnë në fushën e shëndetësisë. Gjithasahtu UMSH-ja bashkëpunon edhe me institucionet simotra ndërkombëtare.

Baza jonë e të Dhënave

Në Bazën tonë të të dhënave, do të gjeni të dhëna për të gjithë mjekët dhe stomatologët që punojnë në territorin e Republikës së Shqipërisë. Ju mund ti gjeni këto të dhëna duke i kërkuar sipas vendndodhjes, specialitetit, emrit, etj. Këto të dhëna janë në proces të vazhdueshëm rifreskimi dhe si rrjedhojë ato mund të përmbajnë edhe ndonjë pasaktësi.
Nëqoftëse ju vëreni ndonjë mangësi apo pasaktësi ju lutemi të na kontaktoni duke klikuar këtu.
Për të hyrë në faqen e kërkimit të mjekëve klikoni këtu.
Nëse ju keni ndonjë ankesë për kequshtrimin e profesionit nga ana e ndonjë mjeku, pasi të keni gjetur mjekun, mund ta realizoni këtë duke klikuar mbi zonën e caktuar për këtë qëllim.